A alcaldesa de Mos, Nidia Arévalo, e a concelleira mosense de Política Social, Sara Cebreiro, deron  a  nova de que a partir de este mes serán mais as persoas en situación de dependencia do municipio que reciban o Servizo de Axuda no Fogar, mais comúnmente coñecido como SAF; un servizo moi demandado no municipio e de gran prioridade para o Departamento de política social.  Isto será posible mediante a ampliación de 396 horas por parte da xunta de Galicia a este concello.

 Dende o 1 de xaneiro de 2012 ata o mes de xullo deste ano, as horas asignadas ao concello de Mos para a prestación do Servizo de Axuda no Fogar a persoas en situación de dependencia se incrementaron cada ano moi notablemente, sendo este un dos principais obxetivos buscados polo equipo de goberno.

Na actualidade son un total de 2.988 horas  mensuais as que se destinan a este servizo, que pasarán a ser a partir de agora 3.384 polo que o incremento total de horas dende o 1 de xaneiro de 2014 foi do 101,39 % o que supón un incremento notable e moi satisfactorio, cifra histórica para o Concello en xeral e para o departamento municipal de servizos dociais en particular.

Con este incremento de horas o concello de Mos xestionará un total de 40.608 horas o ano,  de este xeito será posible darlle atención do 100% a persoas dependentes (grao III) e a prestación de servizo tamén a algunhas persoas de grao II, co que se verá considerablemente reducida a lista de espera.