A alcaldesa de Mos, Nidia Arévalo, acompañada da concelleira de Medio Ambiente mosense, Julia Loureiro, e o coordinador do Servizo Municipal de Emerxencias de Mos, Rodrigo Iglesias, presentan o plan de mellora do persoal adscrito ao Servizo Muncipal de Emerxencias, que disporá dun total de 15 efectivos, ao longo das 24 horas do día para a atención das emerxencias, especialmente no ámbito rural e forestal.

O Concello de Mos ten conveniando tres camións de defensa contra Lumes Forestais, un vehículo todoterreo, ademáis de contar cunha brigada forestal integrada por cinco persoas.

A Central de Emerxencias do Concello de Mos tamén servirá como base de operación para os efectivos do SEAGA, con case que trinta persoas adicadas a defensa dos incendios forestais, e un total de cinco vehículos todoterreos. Para a recepción destas dotacións, instaláronse casetas de vestiarios. Estas dotacións de vehículos e persoal covirten o Concello de Mos nun centro neurálxico de accións encamiñadas a prevención e extinción de incendios forestais na zona sur da Provincia.

O Servizo Muncipal de Emerxencias de Mos en colaboración coa conselleria de medio rural coordina durante o verán as campañas contra incendios forestais de todo o Distrito Forestal XVIII, sendo o centro da Veigadaña unha das bases de operacións e punto de reunión dos medios humanos que dan servizo a un total de 16 concellos que son Vigo, Mos, O Porriño, Redondela, Pazos de Borbén, Fornelos de Montes, Tui, Nigrán, Gondomar, Baiona, Tomiño, O Rosal, Salceda de Caselas, Soutomaior, Oia e A Guarda.

Estos efectivos estarán tamén reforzados por outro camión de loita contra o lume e outro vehículo todoterreo da Agrupación de Voluntarios de Protección Civil. Que na actualidade está formada por 36 voluntarios.

A prevención de riscos é un tema prioritario para esta administración local, polo se están a realizar obras na base deste servizo para incorporar un maior espazo de aparcamento para os vehículos adscritos ao mesmo, ademáis de un novo almacén de medios para a guarda dos EPIS dos integrantes do servizo.

Deste xeito  a rexedora local defende a súa xestión de investir tempo e fondos, en implementar e reforzar o Servizo Municipal de Emerxencias