Música, gastronomía, amizade, experiencias de festa

Revenidas16 contará con dous concertos moi especiais de músicos con vinte anos de experiencia. É o caso do rapeiro máis imporante do Brasil Gabriel o Pensador, dúas décadas de éxitos e un novo traballo Fé na luta, inspirado nas revoltas sociais do país e do contexto internacional. As persoas presentes en Vilaxoán celebrarán tamén o décimo aniversario do descobremento da Fanfare Ciôcarlia, nunha pequena vilá romaní. Dende percorren o Mundo co súas interpretacións únicas e vibrantes de auténtico e xenuíno son balcánico ou gipsy brass.

Por primeira vez en Vilaxoán, unha das bandas con metais máis importantes de Europa Central, Russkaja liderada polo ruso Georgi Makazaria e formado por membros austríacos e rusos, co seu potente directo coa presentación do seu úlimo disco “Love & Russian Roll”. As miles de persoas asistentes bailarán a mestura rock, ska, folk e punk de Talco, unha das bandas italianas máis internacionais da actualidade. Dende Valencia, o directo da historia recente do rock estatal con La Raíz. E no Festival das Línguas tamén poderase escoitar o sotaque catalán con ZOO, Itaca Band e Aspencat, que con máis de 500 concertos ás costas continúan explorando novos territorios entre o reggae, dancehall e o dupstep. La Kimbala, grupo de fusión con colaboracións con Manu Chau, ou Juantxo Skalari & La Rude Band e dende Gijón o premiado DJ Pimp.

Música en galego e actividades para familias

Galiza estará presente nos escenarios de Vilaxoán a través dos ritmos electrizantes de Familia Caamagno que presentarán o seu novo traballo Para unha vez que saímos. Tamén presentarán traballo Malandrómeda, a electrónica galega referente. A aposta de Revenidas pola música feita en galego e de calidade virá ademais con Cuchufellos, O Sonoro Maxín, Os tres trebóns, Falperrys, Brinkadelia Troupe, Poetarras, Dj Crebinsky ou dos recentes gañadores do III Concurso Revendias de Música Emerxente, o rap coruñés de Ezetaerre, os composteláns deLombaos e o rock vigués de Os Vacalouras.

Miles de persoas converterán a Vilaxoán e a Vilagarcía de Arousa no epicentro da música e da festa do verán galego. Gastronomía con food trucks, e coa gran Sardiñada Popular Revenidas que concentrará nas longas mesas do parque a miles de familias o sábado saborando as sardiñas á receita tradicional do lugar. Ademais haberá pasarrúas, unha Gala Solidaria Refuxiad@s con catro espectáculos de artes escénicas, circo e humor deseñado para os máis pequenos da casa. Tamén haberá obradoiros e intervención plástica co gallo do Ano Castelao. E o domingo terá lugar unha das novidades desta edición, o Xoubiñas Festi, con concertos e música para os e as pequerrechas das familias. Sesións vermú, recuncho Dub, actividades de cultura mariñeira e moita música nos escenarios Mahou e Turismo Rías Baixas, nunha intensa e ampla programación que comezará o venres 19 de agosto pola tarde e rematará o domingo 21 ben entrada a madrugada.