Axentes da Policía Autonómica de Ourense informan da investigación dun home como presunto autor dun incendio forestal no concello de Boborás, Ourense.

O lume que se lle imputa tivo lugar o pasado 6 de agosto na parroquia de Pazos de Arenteiro e afectou unha superficie de 2.000 metros cadrados de superficie arborada e rasa. A orixe do incendio foi o lanzamento de artefactos pirotécnicos de xeito neglixente.

Polos feitos instruíronse dilixencias que foron remitidas ao Xulgado de Instrución, en funcións de garda, do Carballiño. Na actual campaña antiincendios, a Policía Autonómica xa leva 41 persoas investigadas ou detidas por delitos relacionados con incendios forestais.