«Chámanme Martin, sen tache na i. Padezo un caso estraño de insomnio crónico do que tento espertar». Así comeza O soño do Koala, debut literario do madrileño Alberto do Vao. Un thriller negro que destaca pola orixinalidade do seu argumento, os seus personaxes atípicos e a súa axilidade.

Sen a sombra dos clásicos detectives que poboan as obras deste xénero, O soño do Koala percorre a cidade de Madrid ao ritmo duns protagonistas emparentados polo seu xene canalla: un mozo hedonista con insomnio crónico, un pirata informático con sobrepeso de ironía e un exdrogadicto impulsivo amante da loita extrema.
Co obxectivo de resolver un crime, os tres amigos descenderán aos sumidoiros da industria farmacéutica onde sicarios, policías e médicos sen escrúpulos viran inoculados de cobiza ao redor dunhas pastillas. O soño do Koala é unha novela aceda ben construída e sen pretensións, a combinación perfecta para pasar un intre entretido. Non decepciona.

O que dixeron dela:

«Moi intelixentemente construída ao redor dunha trama que só se pode inventar un escritor valente. É a primeira novela que coñecemos dun tipo descoñecido, pero quereremos saber máis de el».
«Novela negra de suspense cun toque fantástico moi orixinal. Os personaxes destilan ironía en cada comentario. Ollo ao dúo protagonista, sobre todo a Hacker Mate. O entretemento está garantido».
«Ten os mellores ingredientes do xénero negro clásico e unha frescura que se agradece, diálogos elocuentes e ironía fina».