Audi eleva o listón para o lanzamento ao mercado do seu novo SUV compacto cunha versión especialmente deportiva. O Audi Q2 Edition #1 preséntase cunha exclusiva cor de carrocería gris quantum, detalles exteriores en negro e gris Manhattan, lamias de 19 polgadas e unha ampla listaxe de elementos no seu equipamento de serie. Os clientes poderán realizar os seus pedidos a partir de setembro.

O Audi Q2 Edition #1 ofrece no seu exterior a imaxe do paquete de equipamento S line incorporando paragolpes e faldones deportivos así como un difusor traseiro distintivos. Dispoñibles unicamente para esta edición especial son os elementos na parte inferior da carrocería acabados en cor gris Manhattan, que salientan o robusto carácter do SUV compacto. O acabado en cor negra do alicerce C, que loce os catro aros en cor branca, e as carcasas que protexen os espellos retrovisores acabadas en negro son outras das características exclusivas desta edición especial. O mesmo sucede coa pintura gris quantum utilizada para a carrocería: dependendo de como reciba a luz, o ton escuro percíbese tanto de forma completamente homoxénea como creando un intenso xogo entre luces e sombras.

O paquete de personalización Audi exclusive titanium black acentúa a imaxe da grella Singleframe e dos paragolpes. As lamias de 19 polgadas de Audi Sport están acabadas en cor negra antracita e contan cun deseño rotor de cinco brazos. De serie incorpora luces LED para os grupos ópticos dianteiro e traseiro ?estas últimas con intermitentes de xiro dinámicos?, o que completa a imaxe tecnolóxica que ofrece o Audi Q2 Edition #1.

No interior, a edición especial impresiona polos elementos de equipamento de Audi design selection. Asentos deportivos regulables en altura, volante deportivo multifunción forrado en pel, gornecidos en coiro, así como os protectores de aluminio iluminados co emblema S nos limiares das portas tamén son elementos de serie. Os asentos están tapizados nunha combinación de tea e pel en cor negra e amaretto; a cor ambiente predominante é o gris titanium.

De noite, o paquete de iluminación ambiental realza os atractivos do interior. Guías de luz LED retro-iluminan as bandas que percorren o panel da instrumentación e a consola central. Brillan cunha sutil e homoxénea luz cuxo cor se pode elixir entre os 10 que permite seleccionar o sistema desde o mando do MMI.

O Audi Q2 Edition #1 está dispoñible con todas as variantes mecánicas da gama. As reservas poden realizarse desde primeiros de setembro e a edición especial chegará aos concesionarios a finais de outono.