O reggae volve encher o Baixo Miño a primeira fin de semana de setembro. O Festival Minho Reggae Splash celebra a súa sétima edición en Goián, ao carón do Espazo Fortaleza, os días dous e tres de setembro. Dous días cheos de música, con artistas chegados dende Reino Unido, Francia, Brasil, Portugal e España, e actividades durante o día para todas as idades, conferencias, obradoiros e espectáculos.