A concelleira de Benestar Social, Sara Cebreiro, informou  de que o Concello de Mos organiza un curso de formación inicial para a intervención en voluntariado social e iniciación ós primeiros auxilios que impartirá Cruz Roja Española.

Realizarase nas instalacións da Axencia de Colocación de Mos do 19 ó 30 deste mes en horario de 16.00 horas a 19.00 horas. O prazo de inscrición atópase xa aberto e rematará o 15 de setembro, sendo publicada a lista de admitidos o día 16.

O curso, subvencionado por Concello e Deputación, abordará temas de introducción ao voluntariado, dereitos e deberes dos voluntarios, habilidades sociais e o seu adestramento, resolución de conflitos, e primeiros auxilios.
Os interesados poden dirixirse ó Rexistro Xeral do Concello de Mos para inscribirse.