Mos sinalizará todas as súas igrexas e capelas

A actuación realizarase grazas a unha axuda de Turismo de Galicia que xa foi aceptada en Xunta de Goberno Local.

A alcaldesa de Mos, Nidia Arévalo, e a concelleira de Cultura, Sara Cebreiro, informaron hoxe de que foi aprobada en Xunta de Goberno Local a aceptación da subvención para o fomento da accesibilidade e sinalización nos recursos turísticos do medio rural do Concello de Mos, concedida por Turismo de Galicia e cofinanciada polo Fondo Agrícola de Desenvolvemento Rural (Feader) no marco PDR de Galicia 2014-2020.

[Img #27317] A inversión a realizar na execución deste proxecto de sinalización de igrexas e capelas ascende a 50.000 euros e mediante a realización do mesmo preténdese a posta en valor do patrimonio mosense, segundo explicaban as representantes municipais Arévalo e Cebreiro.

Así mesmo, outros dos obxectivos que se perseguen coa instalación dos novos sinais son fortalecer o sentimento de identidade entre os habitantes do Concello e sobre todo dos da parroquia onde se localiza cada recurso, xerar unha iconografía propia que pretende potenciar unha das etapas máis importantes dentro do arte e historia de Galicia, coma é o románico, servir coma elemento de sinalización viaria mellorando e complementando os sistemas existentes, e consolidar o Sistema de Sinalización Turística de Galicia, mediante novas elementos que seguen a liña marcada no mesmo.

Dentro deste proxecto realizarase a sinalización das igrexas das 10 parroquias do Concello de Mos, capelas e ermidas.

Para elo instalaranse un total de 40 elementos: 20 sinais coa finalidade de identificar as 10 igrexas e 9 capelas e 1 ermida. 19 sinais direccionais que sirvan de orientación coa finalidade de poder chegar ás igrexas e capelas dunha forma clara e segura dende os camiños municipais do rural. E un cartel a emprazar na parroquia de Petelos na Praza do Concello de Mos, onde se poidan identificar todas as igrexas, capelas e ermida do presente proxecto de sinalización.

As igrexas, capelas e ermida que se sinalarán coas sinais que figuran no proxecto son as seguintes.