O centro de día de persoas maiores de Tomiño (centro pertencente ó Consorcio Galego de Igualdade e Benestar) celebra xa seis anos dende que abriu por primeira vez as súas portas.

Este ano, queren conmemorar as raíces artísticas de Tomiño, xa que como todos sabemos Tomiño é terra de artistas.

Contaremos coa colaboración do grupo de guitarras Antorcha e o Colectivo Somosarte, que desinteresadamente aportan o seu grao de area e adican o seu tempo para realizar cinco obradoiros coas persoas usuarias do centro de día nas seguintes datas:

Martes 13: Grupo de guitarras “Antorcha”
Mércores 14 de setembro: Ignacio Moure formas artísticas en madeira e metal e Luís Álvarez talla en granito e mármol.

Xoves día 15 de setembro: Jose Luís Rodriguez debuxo a carboncillo e escultura e Adrián Pena escultura con torno de madeira.

Durante toda a semana o centro contará cunha xornada de portas abertas na que os/as veciños/as poderán visitar a exposición de diferentes obras realizadas por diversas asociación e centros, onde os artistas mencionados anteriormente farán de xurado experto do concurso baixo o lema "Tomiño ten arte ARCO senior Tomiño 2016".

Para dar o colofón final a unha semana chea de actos, o venres 16 de setembro contaremos coa colaboración do grupo “Airiños novos de Pinzás”