O presidente do Goberno en funcións, Mariano Rajoy, fixo esta mañá un alto no municipio mosense, concretamente no Pazo de Mos, antes de coller o seu avión no aeroporto de Peinador de regreso a Madrid.

Rajoy foi recibido pola directiva da Fundación Pazo de Mos, pola alcaldesa Nidia Arévalo e os concelleiros e concelleiras do equipo de goberno local, o vicepresidente da Xunta de Galicia, Alfonso Rueda, o conselleiro de Sanidade, Jesús Vázquez Almuíña, entre outras autoridades e una nutrida representación do tecido asociativo e empresarial da localidade, así coma de veciños e veciñas particulares.

O presidente en funcións visitou as instalacións do Pazo de Mos, peza fundamental do patrimonio histórico, turístico e cultural mosense, e escoitou as demandas dos representantes da Fundación; que solicitaron toda axuda e colaboración posibles para manter e potenciar este espazo, centro neurálxico da actividade cultural mosense ó ser un dos lugares no que máis iniciativas: musicais, teatrais, espectáculos, Plenos, vodas civís, etc. se concentran ó longo do ano.

A rexedora local mosense, Nidia Arévalo, alegrouse de que o presidente puidese contemplar as dependencias do Pazo que, según dixo, “son dignas de ser coñecidas” e deulle a Mariano Rajoy unhas sentidas “grazas por estar en Mos”.