A Policía Local do Porriño ven de informar de que pola celebración do concerto de ‘Mago de Oz’ e da 5ª Etapa da Volta Ciclista a Galicia, o vindeiro venres, día 16, e domingo, día 18, haberá restricións de tráfico na vila.

Quedará cortada a circulación na rúa Domingo Bueno, entre a rotonda de Aloques e a rúa Pío XII, dende as 23:00 h. do xoves, día 15, ata as 10:30 h. do sábado, día 17, polo concerto de ‘Mago de Oz’.

O domingo, día 18, estarán cortadas ao tráfico a rúa Domingo Bueno, entre a rotonda de Aloques e a rúa Fernández Areal-á altura da Panadaría Troca,e nas rúas Pío XII e Fernández López,  entre as 04:00 h. e as 15:30 h., polo paso da Volta Ciclista a Galicia.

O mesmo domingo, e tendo en conta a marcha do pelotón, estará limitado o tráfico en distintas partes do concello, entre as 10:30 e as 14:00 h.