Xusto antes de que a bela emperatriz do Indostán, Mumtaz Mahal, pechase os ollos para sempre, o seu esposo prometeulle honrar o seu recordo co monumento máis fermoso xamais construído.

Taj é a historia desa obra magnífica e dos seus vinte mil heroes: arquitectos, calígrafos, mestres artesáns e obreiros que, empolicados ao lombo dos elefantes, arrastraban os enormes bloques de mármore. Unha narración épica vista a través dos ollos de Balu, un raparigo do deserto cuns dotes extraordinarios para o debuxo que se enfrontará a todos  os convencionalismos para recuperar á súa amada Aisha, recluída no harén do soberano.

Co esplendor e as traizóns da corte do Gran Mogol como pano de fondo, esta apaixonante novela mergúllanos nun tempo de lenda no que todo un imperio traballou ao unísono para superar o maior dos desafíos.