A concellería de Participación Cidadá dirixida por Kely Monzón, oferta ós  maiores de Mos unha saída pola zona da Ribeira Sacra.

Esta excursión está programada para o sábado 29 de outubro. A saída da excursión será dende o Concello (edificio Urbanismo) ás 8:00 horas da mañá con dirección a Doade, onde os participantes poderán realizar unha visita no tren Abba Sacra polos bancales de Doade, Amandi e Chanteiro.

A continuación realizarase un almorzo nun restaurante desa fermosa zoa natural, e ramatarán a saída cunha viaxe en catamarán polos Cañons do Río Sil.

Poderán participar todas as persoas empadroadas no Concello de Mos maiores de 65 anos, ou pensionistas maiores de 55 anos. No caso de existir vacantes poderán participar os maiores de 55 anos que non desenvolvan actividade laboral e as persoas non empadroadas en  Mos.

O prazo de inscrición é dende o xoves 6 de outubro ata o 19 de outubro, presentando a solicitude no Rexistro do Concello ou nas oficinas do Multiusos. O día 20 de outubro farase pública a lista de admitidos/as,  para que os participantes poidan facer o ingreso do importe (30 €uros para os empadroados e 40 €uros para os non empadroados) ata o 26 de Outubro.