“Preténdese que, ademais da importante formación académica, o alumnado alcance coñecementos que lle proporcionen ferramentas para unha mellor capacitación e desenvolvemento no seu día a día, a nivel persoal e social” sinala Kely Monzón responsable de Educación do Concello de Mos, quen  ademáis recalca
Deste xeito a Concellería porá en marcha a súa Aula de Integración no IES, cuxo obxectivo é favorecer a continuidade no proceso socioeducativo do alumnado que presenta problemas conductuais e reducir o alumnado expulsado a través de diferentes dinámicas evitando e previndo o abandono escolar.

Tamén se levará a cabo unha programación de actividades educativas en horario escolar, co fin de complementar as temáticas transversais.  De este xeito, durante este curso poranse en marcha actividades en diversas áreas; como a prevención, con charlas e formación en alimentación saudable, ou talleres de consumo responsable e de concienciación coa violencia de xénero;  xornadas de micoloxía, en colaboración coa Concellería de Medio Ambiente;  campañas de sensibilización como a que se vai levar a cabo no eido das persoas xordas, que lles axudará a tomar conciencia e empatizar coa problemática que as persoas xordas atopan no día a día ou a realización de talleres en colaboración con Aceesca..

Xunto con esta programación levaranse a cabo actividades extraescolares de diversa índole, coma a de Baile Moderno, balonmán, fútbol, tiro con arco ou Surf entre outras .  Tamén dende a Concellería de Participación Cidadá se desenvolven actividades de carácter lúdico e social para cubrir as necesidades de ocio dos máis xoves do Concello, como son as deportivas e culturais, como sesións de cine ou monólogos.

Kely Monzón asimismo quere resaltar que este compromiso abarca tamén a solución do problema do transporte escolar dos alumnos de bachiller.