O vindeiro domingo, 16 de outubro, a parroquia de Mos celebrará a xa consolidada Festa do Codillo, que este ano chega á súa 19ª edición, tal e como informaban hoxe no acto de presentación da cita gastronómica, que terá como pregoeiro ao querido e veciño do propio municipio Paco García Cobas, redactor e presentador de actuáis programas da TVG.

A cita gastronómica cociñará preto de 2.500 quilos deste alimento e, como en anos anteriores, os actos comezarán o sábado a partir das 21:00 h cun festival de Playback no que participarán o grupo do Centro Cultural de Soutelo - Salceda de Caselas-  e o grupo Estrelas do Castelo de Mos.  O  domingo a programación prolongarase  ata avanzada a tarde ca actuación da charanga Os Charamujas. O longo de toda a xornada estará presente o “Mercado de Artesanía, Gastronomia e Productos da Terra”.

Na presentación do evento, estiveron presentes a alcaldesa, Nidia Arévalo, a presidenta do Círculo Cultural e Deportivo Santa Eulalia (entidade organizadora), Juana Moreno Blanco, acompañada por membros da xunta directiva, a edil de Cultura, Sara Cebreiro, e o concelleiro de Patrimonio Camilo Augusto.

O Codillo de Mos repite prezo  9 euros 

Asi memo os organizadores da festa anunciaron na presentación do evento que a Festa do Codillo de Mos repite prezo como o ano pasado: 9 euros. Por este prezo os veciños e visitantes poderán saborear unha receita de codillo de porco ao horno, composta por dous partes de codillo con arroz branco e guisantes, acompañado dunha salsa cun toque picante e servido todo nun prato de porcelana con tenedor e coitelo metálicos, servilleta, pan e vaso de viño ou botellín de auga.   Ademais o entorno contará como cada ano con duas carpas habilitadas ante posibles efectos adversos da climatología.

A degustación iníciase desde as once da mañá ata fin de existencias e espéranse máis de mil asistentes.