A Aula da Rede CeMIT do Porriño celebrará este xoves, día 20, de 17 a 20:00 h., na súa sede, o seminario “ Os datos da miña peme están seguros? “. O mesmo será impartido por Carlos Díaz, enxeñeiro e consultor experto en redes de datos e seguridade corporativa. Dende  o ano 2008 traballa como director de proxectos, analizando e implantando solucións de redes e seguirade da información en pemes do eido industrial, da sanidade e a educación privadas entre outros.

Os contidos do seminario serán os seguintes:  os piares da seguridade da información; ameazas externas e internas na organización; xestión e control de internet na peme; a fuga de información; mobilidade e produtividade: smartphone e wifi; virus, vermes e outros bichos; en vivo e en directo ; o que hai que ver ; onde estamos conectados e un selfie ... malicioso.

As persoas interesadas en asistir deberán facer a súa reserva da praza na propia Aula CeMIT, no teléfono 986.338.217 ou ben enviando un correo electrónico a cemit.oporrino@xunta.es.