A contorna dos cemiterios Cans, Atios,  Budiño, Torneiros, Chenlo, Mosende, Pontellas e o municipal do Porriño están xa  listas para recibir aos miles de veciños que  acudirán a eles polo Día de Defuntos.

O concelleiro responsable de Limpeza, Orlando Márquez, visitou os mesmos e comprobou que están acondicionados, que se adecentan os xardíns e que os accesos están preparados para que as familias que se acheguen aos cemiterios as xornadas anteriores ao día 1 de novembro, os teñan xa dispostos.

Doutra banda, o Concello comunicou hoxe o vindeiro día 1 de novembro, maila a que é Defuntos, mantense a celebración da feira na vila como é normal cada martes.