Serán dous os cursos que se realizarán na aula CeMIT situada no Centro Social da rúa Oriente de 16.00 a 18.00 horas. O curso de retoque fotográfico comezou o mércores 2 de novembro, e continuará o 9 e 16 do mesmo mes e rematará o 23. Deseguido, o curso de aplicacións de Google empezará o mércores 30 de novembro, seguirá o 14 e rematará o 21 de decembro.

O primeiro dos cursos tratará o retoque fotográfico coa creación dun logotipo e fondo de pantalla, unha fotomontaxe, o enfoque e desenfoque, a coloración ou filtros básicos, entre outros temas.

Ao remate entregarase Diploma da Xunta de Galicia que certifica o tipo de curso e número de horas realizadas, que servirá para ampliar o currículo das persoas que accedan ao mesmo.

“Esta é unha boa oportunidade para actualizar os coñecementos informáticos, que poden servir para uso persoal e incluso poder ampliar os CV das persoas que realizan o curso de cara a poder entrar no mundo laboral”, comenta a edil, Cristina Fernández.