A Presidenta da Deputación de Pontevedra, Carmela Silva, inauguraba esta semana as dependencias de “CastroDeza” no concello de Lalín nas que destacou a necesidade de coñecer a nosa historia o través das novas tecnoloxías. Silva estivo acompañada polo alcalde de Lalín, Rafael Cuiña, e o deputado provincial responsable de Turismo, Santos Héctor.

Carmela Silva subliñou a importancia de centros como o “CastroDeza”  para que dende a aplicación da novas tecnoloxías se poda coñecer toda nosa historia e sobre todo, a cultura castrexa da cal na comarca do Deza existen diversos exemplos.

“Un pobo que non coñece a  súa historia non pode avanzar e mirar cara o futuro”, destacou a Presidenta ao afirmar que o centro que a partir de mañana poderá ser visitado, pretende ser unha aposta de coñecemento sobre todo o vinculado a  cultura castrexa dende a  forma urbanística dos seus asentamentos ate os seu estilo de alimentación.

Pero ademais, a Presidenta destacou que é moi importante manter as nosas tradicións, transmitidas en lendas e contos “para non perde unha parte da nosa historia”.

Por último, Carmela Silva salientou a parte didáctica do  centro “CastroDeza”, “para que os nosos nenos e nenas non perdan as tradicións e a nosa historia”.

Pola súa parte, o alcalde de Lalín, Rafael Cuiña, valorou a apertura do centro “CastroDeza” como moi importante para a súa localidade, por convertelo como unha referencia da cultura castrexa de toda Galicia. Cuiña tamén agradeceu a presencia do senador José Crespo, anterior alcalde de Lalín que “tivo moito que ver con este centro”.