No marco da Programación Cultural do Porriño o ‘Outono Cultural’, hoxe mércores, empeza a terceira quenda dos ‘Obradoiros de alfabetización dixital para persoas adultas. Nivel iniciación’.  Os mesmos terán lugar, tamén, os días 16, 23 e 30, e seguirán, o 7,14,21 3 28 de decembro, de 10 a 11 da mañá.

O obxectivo destes obradoiros, impartidos por Corona Rodríguez, é a formación no uso das novas tecnoloxías para persoas adultas con reducido coñecemento sobre o uso do ordenador e de Internet, así como con baixo aproveitamento do acceso á información que se pode manexar coas novas tecnoloxías.

As persoas interesadas en participar nesta actividade deben realizar a inscrición previa, de xeito presencial, na Biblioteca Municipal do Porriño . As actividades son gratuítas e as prazas cóbrense por orde de inscrición, tendo preferencia as persoas empadroadas no Porriño.