O Diario Oficial de Galicia publica hoxe as  listaxes de aptos e aptas nas probas de obtención e renovación da habilitación de control de acceso que se realizaron o pasado 7 de outubro, na sede da Academia Galega de Seguridade Publica

Estas probas son as novenas que convoca a Xunta, as segundas no caso da renovación,  dende que en xaneiro do ano 2010 o goberno galego regulase a través dun decreto as funcións e os requisitos que se deben posuír na nosa comunidade para exercer as función de control de acceso.

 

Con esta nova promoción, Galicia conta con 864 persoas habilitadas para exercer as funcións propias do cargo para o que obtiveron a habilitación

 

Nesta ultima convocatoria, un total de 36 persoas obtiveron a habilitación e 55 persoas renovaron a que tiña segundo marca a Lei, que dispón que no prazo de 5 anos dende a súa obtención, están obrigados a renovala para poder seguir exercendo a súa función.

As persoas aptas dispoñen de 10 días para solicitar á Dirección Xeral de Emerxencias e Interior, o carne correspondente que lles identifica e que ten una validez de 5 anos dende a data da súa expedición.

Esta é a novena edición, despois de que a principios do ano 2010 o goberno galego regulase por decreto os requisitos que deben cumprir os controladores para exercer as súas funcións. En total , con esta nova promoción, un total de 864 persoas teñen a habilitación como persoal de control de espectáculos públicos e actividades recreativas nas convocatorias anteriores.