O Director Xeral da Estación de Montaña Oca Nova de Manzaneda (MEISA), Gustavo Samartín, púxose en contacto coa Mesa para falar sobre o uso do galego nos seus servizos cara o público.

Gustavo Samartín afirmou nun escrito dirixido á Mesa que a web www.manzaneda.com está nun proceso de renovación mais que a nova páxina que estará dispoñíbel en breve contará coa presenza da lingua galega.

Segundo comunicou a web está temporalmente en castelán só por motivos técnico-económicos ao estar en pleno proceso de mudanzas mais no momento que estes cambios estean realizados a web terá o galego como idioma.

Esta resposta prodúcese tras a denuncia por parte da Mesa dunha mensaxe ofensiva coa lingua galega realizada pola web manzaneda.info  a un usuario. Esta mensaxe foi atribuída por erro á estación de montaña que neste momento non conta con ningunha presenza do galego.

Da Mesa agardan que este cambio se produza á maior brevidade posíbel.