O Departamento de Servizos Sociais do Concello de Nigrán tramita para os empadroados no municipio maiores de 60 anos a solicitude de participación no programa da Consellería de Política Social "Xuntos no Nadal", para o cal se abre o prazo ata o 21 de novembro e que volve a ter como eixo a Residencia de Tempo Libre de Panxón.

Este programa vai dirixido a persoas maiores que servíndose por si mesmas e contando con escasos recursos económicos se atopen en soidade durante o Nadal. O obxectivo é que poidan disfrutar de 11 días das festas en réxime de pensión completa nesta residencia nigranesa, onde socializarán con máis xente que tamén busca compañía nestas datas tan familiares.

Para máis información os interesados poden dirixirse ao Departamento de Servizos Sociais do Concello de Nigrán.