Os alumnos do Colexio Humberto Juanes contarán antes de que finalice o ano cun roteiro seguro para acceder camiñando ao colexio. O Concello de Nigrán está a levar a cabo actualmente as obras necesarias, que forman parte do proxecto  que inclúe a reforma da pranta baixa do consistorio e cuxo obxectivo común é crear espazos accesibles.

Este novo roteiro seguro implica a construcción de beirarrúas que discorrerán dende a Praza do Concello e ao carón das escolas infantís e antigas casas dos maestros, permitindo así un acceso peonil completamente seguro  e que outorga  máis protagonismo á Praza. “A mobilidad peonil é a forma máis natural e básica de desprazarse, actualmente nesta contorna o viandante ocupa un segundo plano, cando precisamente debe ser todo o contrario, máximo se estamos a falar de nenos que se desprazan cada día  a pé ao colexio", explica o alcalde, Juan González.