A undécima edición das xornadas de degustación de pinchos do Porriño, o popular ‘Pinchorriño’, está a piques de rematar, durante este mes de novembro esperan repartir  72.000 tapas de balde durante os venres e sábados –de 7 da tarde a 11 da noite- sinalan os seus organizadores.

Entre as tapas que inda poden  degustar quenes se acheguen aos bares, restaurantes e cafeterías do Porriño, están as empanadiñas vexetais, hamburguesas veganas, croquetas crocantes, tostas quentes en pan do Porriño, Garabano con nécora, albóndegas en salsa verde, hot dog en 3 salsas ou chupito de tortilla de patacas. Ademáis haberá tapas sen glute, como a piruleta de solombo de polo crocante con toque asiático, ou pratos vexetais, para quenes queiran gozar do Pinchorriño sen renunciar a súa dieta.

Todas as propostas de tapas, ademais dos nomes e enderezos de cada un dos establecementos que participan no Pinchorriño, o resultado do sorteo, entre os participantes no mesmo, de dúas fines de semana en casas de turismo rural poden consultarse baixando a APP ‘Quedamos de Tapas’.