Pola mañá farase unha cadea de persoas e globos de 2 Km de lonxitude que se estenderá entre os centros de ensino, pasando polo Centro de Saúde e o Centro de Día. Para finalizar, darase lectura a un manifesto na Praza do Concello, ou no Auditorio Municipal en caso de chuvia.

E pola tarde, ás 20:00 h, terá lugar no Auditorio unha mesa de traballo con colectivos sociais, asociacións e toda a poboación en xeral, co fin de elaborar un Plan de Igualdade Municipal. O plan, que xa está dotado con financiamento procedente da Deputación de Pontevedra, construirase sumando diferentes visións, opinións e perspectivas, de xeito aberto e participativo.

Ademais, dende a noitiña do mércores 23, as lámpadas que alumean as escaleiras que baixan ao Auditorio tinguen as árbores de cor lila. Un xesto simbólico co que dende o consistorio pretenden facer visible a súa repulsa fronte ao feminicidio e a defensa da súa eliminación do concello e do Mundo.