Unha persoa tivo que ser liberada polos bombeiros de Ponteareas tras quedar atrapada no interior do vehículo no que viaxaba.

O accidente ocorreu na PO-403, na saída da A-52, á altura do termo municipal de Ponteareas.

Os bombeiros indicaron ao persoal do 112 Galicia  que, se tratou dunha colisión frontolateral e que dúas persoas resultaron feridas, das cales, unha delas precisou ser excarcerada.

Sobre as 11:15 horas desta mañá, o 112 Galicia recibía a chamada dun alertante informando do accidente. Foi a esa hora, cando o persoal do CAE 112 Galicia, de inmediato,  pasou aviso a Urxencias Médicas, aos membros do parque comarcal, axentes de Tráfico e aos efectivos de Protección Civil. 

Tamén se solicitou a intervención do persoal do servizo de mantemento da estrada.