O grupo de música tradicional e folclórica Lembranzas Moañesas ofrecerá o vindeiro venres, día 2 de decembro- 7 e media da tarde no Centro Cultural Municipal- unha actuación dentro do Programa Outono Cultural do Concello do Porriño.

Este conxunto, que ten un amplo repertorio de cancións mariñeiras, boleros e habaneiras, ofrecerá parte do mesmo e dos seus últimos traballos, ‘Ou Merlo’ e ‘Sarima’.

Lembranzas Moañesas formouse hai xa nove anos na Parroquia de Tirán. Está composto por dez voces de homes, que cantan acompañados polo son de catro guitarras, dúas bandurras e unhas congas, que cadran perfectamente, ademais de co seu catálogo habitual de cancións, cos pasodobres e a música folk galega.