A Praza do Concello de Mos acolleu onte pola tarde o acto de encendido do alumeado de Nadal que congregou a máis de 700 persoas, superando as expectativas de convocatoria. A administración local estivo representada pola alcaldesa de Mos, Nidia Arévalo, a concelleira de Cultura, Sara Cebreiro, a de Participación Cidadá, Kely Monzón, e os tamén edís mosenses, Julia Loureiro, Luis Alonso, Camilo Augusto e Cándido Pérez.

Con este encendido do alumeado navideño Mos iniciaba onte a súa programación para o Nadal 2016-2017.

Por segundo ano consecutivo dende o Concello quíxose dar comezo a esta época de ilusión con este evento simbólico de encendido que tanto lles gustou ós veciños e veciñas mosenses o Nadal pasado, e que superou a afluencia da pasada convocatoria, acadando nesta ocasión máis de 700 participantes asistentes. A actividade comezou ás 18.00 horas cunha festa infantil con DJ e a visita de A Patrulla ao Rescate, con cuxos personaxes puidéronse facer fotos os cativos presentes. Foi ás 19.00 horas cando se produciu o encendido da iluminación de Nadal, rematando a velada cun chocolate con rosca gratis para todas as familias asistentes.

A Patrulla ao Rescate serán os protagonistas da programación navideña deste ano, xa que tamén acompañarán ás Súas Maxestades Os Reis Magos de Oriente na Cabalgata do día 5 de xaneiro ás 18.00 horas pola Avenida de Sanguiñeda.

A programación deste ano caracterízase por constar de actividades que fomentan o ocio familiar. Así, dentro do programa Ocio en Familia, a Compañía Os Quinquilláns representará o espectáculo ‘Por que é salgada a auga do mar?’ e o Mago Rafa actuará no Pazo de Mos. Migallas representará o espectáculo ‘Canta Connosco’ que ademais contará coa presencia dun Carteiro Real.