A Concellería de Xuventude  que dirixe Nuria Lameiro a través da OMIX (Oficina Municipal de Información Xuvenil)  organizan nas datas de nadal un taller para nenos, nenas e adultos no Centro Neural de Gondomar. O taller titulase “Risas en familia” e forma parte do programa da Deputación de Pontevedra “Tecendo Lazos”.

O taller será  impartido por monitores o longo de catro días e en horario de mañá. Os nenos e nenas menores de trece anos deberán estar acompañados por un adulto, mentras que os que superen esta idade poderán asistir coa autorización dos seus titores.  O taller está dirixido a tódolos membros da familia: nenos e nenas, pais e nais e avós e avoas. Entre as actividades que se organizarán falarase da historia do municipio, da súa evolución, das suas lendas e contos e  animarase a que os participantes aporten imaxes de Gondomar para unha vez finalizado o taller crear un libro con todos esos detalles compartidos.

A información de inscripción e as datas estarán dispoñibles na oficina da OMIX,  na Casa da Cultura a partir do día 12 de este mes. Tamén no número de teléfono 986 369 746 ou no correo omix@concellodegondomar.com