Cinema, panxoliñas, festas infantis, teatro, exposicións, obradoiros, pasarrúas, rondallas e, por suposto o tradicional adianto do novo ano e a Gran Cabalgata das súas Maxestades os Reis Magos, son algunas das actividades programadas polo Concello do Porriño para estas datas.

Dende o 9 de decembro e ata o 5 de xaneiro de 2017, o Nadal chegará a todas as parroquias con actividades programadas no Centro Cultural a Forna de Budiño, o recinto de festas da Guía, a Asociación Cultural As Mimosas de Carracido, o Centro Cultural de Chenlo, de Mosende e de Pontellas, a Asociación Veciñal San Salvador de Torneiros ou o Centro AsociaciónCastelo de Cans.

O Centro Cultural Municipal será a sala de sesións de Cinema coma ‘ O soño dunha noite de San Xoán’, ‘Holy Night! Noite de paz?’ ou ‘O Bosque animado’; tamén fará de escenario para as funcións de teatro coma ‘Carapuchiña Vermella’ e ‘Os tres porquiños’; tamán da exposición ‘De viaxe polo tempo en tres’ ou da Gala Benéfica de Navidad, organizada polo Concello e SOS Porriño.

Nos vindeiros días, tamén actuarán a rondallas de Santa Eulalia de Atios e de Pontellas, haberá visitas dos Trasnos de Nadal e do Apalpador, pasarán pola vila Os Bolechas, no Circo de Nadal, e celebrarase o Festival de Panxoliñas e de Música de Nadal, da Escola Municipal de Música, todo no medio dunha decoración e alumeado de Nadal orixinal que este ano fai referencia ao maxín e á fantasía.