A Asociación Cultural e Deportiva Sanomedio e o Concello das Neves veñen de presentar a 4ª edición da Carreira do Pavo. Proba deportiva solidaria na que se poderá participar aportando un quilo de alimentos que serán destinados aos servizos sociais.

Estiveron na presentación membros organizadores de ACD Sanomedio, Oscar Bernárdez, gañador da terceira edición da proba e recente gañador da Subida ao Castro en Vigo; Xosé Manuel Rodríguez, alcalde das Neves e Oscar González, Concelleiro de Benestar e responsable de Deportes.

A proba desenvolverase o vindeiro 24 de decembro as 16 horas nun circuito urbano de arredor de 5 quilómetros para a categoría absoluta, e inferior para as categorias infantil e pequerrechos.

Para inscribirse ata o 22 de decembro poden facelo na páxina web e redes sociais de ACD Sanomedio. Haberá duchas moi próximas, avituallamento de balde e premios para os gañadores.