A Escola de Cantería da Deputación de Pontevedra cedeu dezasete obras en granito para unha exposición do concello de Santiago nas beiras do río Sar no que acaban de rematar unhas obras de acondicionamento para unha senda peonil.

O propio concello de Santiago foi quen  solicitou á Deputación de Pontevedra a colaboración en forma de pezas da Escola de Cantería para conformar esta exposición para conmemorar o fin das obras de acondicionamento das sendas peonís nas beiras  do  río Sar,  o seu paso polo parque Granell.

As pezas foron seleccionadas entre os traballos xa feitos polos alumnos e alumnas da Escola de Cantería entre os anos 2010 e 2016 polo propio concello entre os materiais que se atopan nas instalacións de Poio. En total son dezasete pezas de gran tamaño e con pesos nalgúns casos superiores aos mil quilos.

Entre as pezas elixidas  algunhas representan oficios tradicionais como ferreiros, costureiras ou canteiros e outras con estampas da vida cotiá.

As obras pertencen aos alumnos Álvaro Somoza López, Emilio José González Martínez, José Sampedro Cacamaño, José Luís Fernández Ferradáns, Daniel Vera Fernández, Pedro José Rodríguez Álvarez,  José Rocha Pino, Víctor Manuel Otero Sanjorge, Nicolas Ricon Luís, Ruben Touriño Reboredo, Francisco Escariz Jamardo, Lorenzo Lede Mouriño, Víctor Duran Cabanelas, Jonathan Mariñas Garcia e  Raúl Martínez López.