Inés Vidal, tomaba posesión con concelleira no Pleno Municipal este martes 17 de xaneiro, en representación do Partido Socialista de Ponteareas. Asumirá as competencias da Concellería de Comercio, Hostalería e Consumo.

Muller de 36 anos, nai de 2 fillas. De profesión contable ten desenvolvido a súa carreira profesional durante 14 anos en diferentes empresas. Recentemente iniciou unha nova andaina como emprendedora , poñendo en marcha a empresa  “Al Punto” , unha take away  /comida para levar, nun local da Praza de Abastos de Ponteareas.

Experiencia política
Foi concelleira socialista na última lexislatura dende 2011 ate 2015. Unha etapa, na que podemos salientar a súa defensa do principio de igualdade entre mulleres e homes, e a denuncia contra dos recortes nos servizos públicos especialmente na sanidade. Ademais se lle recoñece un magnifico  traballo en positivo en apoio do comercio local.

É Secretaria de Organización do PSOE de Ponteareas dende 2012, desenvolvendo un traballo decisivo para acadar o goberno local nas eleccións municipais de 2015, conseguindo desaloxar ó PP do goberno de Ponteareas.

Proxecto político:
A súa vontade é xestionar dende o dialogo e o consenso con todos os interesados, comerciantes e hostaleiros asi como coas súas asociacións.

Entre as súas prioridades como Concelleira de Comercio, está fortalecer ó comercio local como piar básico do desenvolvemento económico de Ponteareas. Adecuar a normativa existente para simplificar e favorecer o desenvolvemento empresarial e comercial. E apoiar e estimular iniciativas que supoñan unha modernización do comercio local con importante retorno económico para os establecementos comerciais.

Facer de Ponteareas o centro de atracción comercial da comarca Condado-Paradanta, será o seu gran obxectivo.