O alcalde de Vigo anunciou este pasado xoves algunhas melloras no acceso á igrexa de Fátima, despois do "acordo total" acadado na reunión desta mañá cos seus responsables.

Segundo revelou Caballero, o concelleiro de Fomento, David Regades, propuxo na entrevista ampliar a beirarrúa, instalar máis verde diante da igrexa e deixar unha zona libre de estacionamento. Ademais, e a petición do vicario, o goberno de Vigo estudará a posibilidade de incorporar o muro do acceso ao programa municipal de medianeiras e arte urbano.

Por outra banda, o goberno de Vigo comprometeuse a ter concluida a humanización que está a executar na Vía Norte, na parte que afecta á igrexa, para mediados de maio, datas nas que terán lugar os actos de celebración polo centenario do templo de Fátima.