A Xunta Directiva ANPA Pena de Francia ven de emitir un comunicado no que se congratulan “porque non houbera ningunha vítima” no derrumbe do Pavillón pena de Francia xa que “por fortuna ese día suspendeuse a actividade de baloncesto que iase realizar pola tarde”.

No comunicado fan un chamamento “ás distintas administracións competentes para recabar a financiación necesaria para realizar as obras de reparación dos danos, xa que coñecemos a delicada situación económica do Concello de Mos o cal imposibilítalle para abordar con fondos propios dita actuación”.

Solicitan que “ademáis de realizarse as obras para subsanar os desperfectos do temporal tamén se arranxe todo o deterioro acumulado nestos últimos anos pola falta de mantenemento e inversión no edificio”.

Ademáis disto, creen que é “imprescindible encargar un estudio técnico riguroso da solidez do edificio e averiguar se a estrutura ten algún vício construtivo, algunha falla de materiais por envellecemento prematuro ou mesmo como no edificio do Colexio se ten grietas que comprometan a solidez.  Sen este estudio e a subsanación das posibles fallas e imposible garantir que isto non volva a suceder”.

Explican que o pavillón “inda que atópase en moi mal estado era usado a cotío para desenvolver actividades extraescolares deportivas, as cales deberán suspenderse a partir de agora”.

Por último agardan “que coa colaboración de todas as partes, sen inútiles rifirrafes políticos, e así pronto esto non sexa máis cun mal sono”.