O Concello de Mos está a levar a cabo unha campaña informativa sobre as bonificacións e exencións das Ordenanzas Fiscais Municipais mediante buzoneo nas preto de 5.000 vivendas da localidade, para así chegar aos máis de 15.000 veciños e veciñas mosenses.

Neste sentido a alcaldesa, Nidia Arévalo, anima aos mosenses que cumplan os requisitos pertinentes, a solicitalas para beneficiarse das mesmas á hora de realizar o pago dos seus tributos.

Para que os habitantes do municipio poidan saber cales son as mencionadas bonificacións e exencións, e as condicións necesarias para a súa aplicación, o Concello de Mos está a remitir, a través de ‘mailing’ por correo postal, un cadro informativo con todos os detalles ao respecto a tódolos domicilios da localidade.

Así mesmo, se claquera veciño está interesado en recibir máis información ou solicitar algunha destas bonificacións/execións, poder dirixirse ao Concello onde será atendido nas oficinas de Xestión Tributaria e Recadación.

A solicitude das bonificacións e exencións é imprescindible para poder optar a elas. Estas medidas puxéronse en marcha dende a administración local pensando nas persoas: nas familias mosenses, os desempregados, os colectivos, etc.

Destacan a bonificación do 50% nas taxas de recollida de lixo para os pensionistas, familias monoparentais e familias numerosas; a bonificación do 50% no Imposto sobre Bens Inmobles (IBI) para as familias numerosas, a execión do pago da taxa por expedición de documentos administrativos para os desempregados empadroados en Mos que non perciban prestación, a bonificación do 75% do Imposto sobre Vehículos de Tracción Mecánica  para titulares de vehículos con motor eléctrico e emisións nulas, a exención do pago do Imposto Sobre Vehículos de Tracción Mecánica ós titulares de vehículos de máis de 25 anos, ás persoas cunha minusvalía do 33% ou superior, e ós tractores, remolques, semirremolques e maquinaria provistos de Cartilla de Inspección Agrícola. E por último, as bonificacións nas taxas polos servizos que se prestan nas piscinas municipais: para colectivos veciñais, culturais e deportivos redúcese o importe nun 20% en grupos de entre 15 e 30 membros, e nun 30% en grupos de máis de 30 membros; e para as familias en cursos de natación, cando o usuario teña fillos menores de idade que se inscriban en cursos de natación, o primeiro fillo pagará o 50% e o segundo fillo e seguintes poderán asistir de forma totalmente gratuíta e cando os usuarios que se incriban no mesmo curso sexan dous ou máis irmáns menores de idade, o primeiro pagará as taxas íntegras e o segundo e sucesivos o 50%.

A rexedora local mosense declarou a este respecto que “dende o equipo de goberno continuaremos a traballar para optimizar os recursos municipais e tentar así ampliar iniciativas coma estas medidas que temos a satisfacción de ter posto en marcha”.