O Club Patín Porriño organiza este sábado, 25 de febreiro, o Campionato Galego de Grupos Show de Patinaxe para Xuvenís e Cuartetos. O Pavillón Municipal  será o escenario no que 11 clubs de A Coruña e 6 de Pontevedra, competirán polo trono desta especialidade.

Pola mañá realizaranse os adestramentos- de 10 a 12:45h. dos grupos xuvenís e de 12:45 a 14:45, os cuartetos-, iniciándose a competición ás 17:30 horas cos Xuvenís, cuxos combinados deben estar formados por ,cando menos, oito patinadores e patinadoras con idades comprendidas entre os 13 e os 17 anos.

Tras un pequeno descanso dun cuarto de hora, ás 19:15 está previsto comezar a categoría de Cuartetos, con grupos de catro deportistas e maiores de 16 anos.