Pasados uns minutos das 00:30 horas desta madrugada, axentes de Tráfico solicitaban ao 112 Galicia colaboración para acceder a un turismo envorcado –fora da vía- no Porriño.

O suceso ocorreu na PO-510, no punto quilométrico catro. Dende o 112 Galicia alertouse a Urxencias Médicas, Bombeiros do Baixo Miño e Protección Civil. Segundo precisaron os servizos de emerxencia alí desprazados, o vehículo saíuse da vía e caeu por un desnivel moi preto a un regato.  Ante a posibilidade de atopar a algunha persoa ferida nas inmediacións, os bombeiros fixeron uso das cámaras térmicas, aínda que finalmente, non atoparon a ninguén. Persoal do servizo de mantemento da estrada tamén foi requirido polo 112 Galicia.