O mosense Antonio Barros Serodio, afincado en Porriño e recentemente elixido Mellor Cantante da Verbena Galega 2016 polos oíntes do programa radiofónico Palco de Estrelas, representará por terceira vez consecutiva a Vigo e á súa comarca no programa Luar da Televisión de Galicia na sección de Recantos, coa canción The Spanish Eyes. Será o próximo venres 10 de marzo.

Téndose clasificado nas dúas roldas anteriores en primeira posición, nesta ocasión pretende revalidar dito posto. Barros agradece o apoio do público mediante as cinco chamadas telefónicas  ao número que sae en pantalla para  apoiar a súa actuación.