Unha saída de vía rexistrada na A-55, ao seu paso polo concello de Mos, deixa dúas persoas feridas. Trátase dun neno de catro anos e da súa avoa. Ambos foron evacuados ao Hospital Fátima de Vigo.

O accidente tivo lugar no quilómetro 12 da autovía, en sentido Vigo. O 112 Galicia tivo coñecemento dos feitos ás 13:40 horas.

O persoal do Centro de Atención ás Emerxencias informou do sinistro a Urxencias Médicas e aos Bombeiros do Baixo Miño. Tamén se alertou a Protección Civil, ao Servizo de Emerxencias da localidade e á Garda Civil de Tráfico.