Dende o  PSOE de Mos explican ter coñecemento de que "nos concellos limítrofes contan cunhas axudas de emerxencia para que os vecinos faganlle fronte as diferentes necesidades". Tamén lle consta que "hai familias cunha situación precaria que teñen que prescindir de diversos servicios, como a calefacción xa que incrementan o recibo mensual".

A raíz das condicións climatolóxicas e do calculo variable do recibo da luz, moitas familias vense na obriga de non utilizar certos servicios eléctricos, o que se coñece como pobreza enerxética.

Dende a agrupación socialista instan o goberno local a "por en marcha estas axudas, xa que agora mesmo só se dispón das achegas da Xunta pero a nivel local non existe unha partida económica para tal fin. Nidia Arevalo, presume constantemente da súa preocupación polos vecinos pero non toma ningunha medida o respecto. Di que as necesidades da veciñanza tenas cubertas" explican.

A formación socialista pensa que as necesidades "nunca están cubertas e sempre hai ocos nos que traballar e seguir mellorando".

Dende a oposición consideran que "esta é una situación intolerable, e que os vecinos de Mos merecen recibir unha solución".