A Banda Infantil da Escola de Música Xuvenil de Xinzo, ofrecerá o próximo luns 6 de marzo en horario de 10h a 13:30h, no Auditorio Reveriano Soutullo de Ponteareas, o concerto didáctico Dirijinkosky en Ponteareas, un conto de Daniel Figueira Bello, dirixido ao alumnado de Educación Infantil e Educación Primaria dos colexios da vila do Tea.

Este concerto terá como fío argumental a representación da chegada a Ponteareas da gran Elizaveta Dirijinkosky (1960), considerada unha das maiores directoras de banda de música do mundo.

Os nenos da Escola de Música de Xinzo, farán unha representación musical e teatral do conto, cun obxectivo principal: achegar a música aos máis pequenos dun xeito divertido.