O Centro Comercial Aberto do Porriño (MOREA) prepara xa a XVIª Edición de "Merca na Rúa”

A Asociación de Comerciantes e Industriais do Porriño (ACIPOR), a través da súa presidenta, Dona Juana Pérez Rodríguez informou hoxe de que Concello e ACIPOR preparan xa a próxima celebración da XVIª edición da feira de oportunidades “Merca na Rúa”, un evento que neste ano 2017, acada a súa XVIª edición, deixando constancia con elo de que é, sen dúbida, un evento consolidado e de referencia na área.

 
O “Merca na Rúa 2017” celebraráse os vindeiros días sábado 11 de Marzo das 10 horas da mañá ás 21:00 horas da noite, e o domingo 12 de Marzo de setembro de 11 horas da maña ás 20:00 horas da tarde, na zona peonil da rúa Ramón González.

 
Nesta edición, serán máis de 25 os establecementos que participarán no “Merca na Rúa”, o que supón unha ampla oferta de produtos aos asistentes. Textil, deportes, moda e complementos, confección, calzado, moda infantil, xoguete, pequeno electrodoméstico, marquetería, óptica, etc… serán entre outros moitos, algún dos servizos e produtos que non quixeron perderse a nova edición de “Merca na Rúa”.

 
Un evento consolidado que atrae cada vez a máis consumidores
A presidenta de ACIPOR  Dona Juana Pérez Rodríguez destacou como conclusión, que “Merca na Rúa” convertiuse xa nun evento consolidado para o noso comercio e un evento atractivo para os consumidores non só do Porriño, senón tamén da nosa área. Bó exemplo delo é a crecente afluencia de compradores e o progresivo aumento de establecementos que queren participar, que cada ano, vai medrando, dando testimonio da importancia crecente da feira.