Este mércores, día 8 de Marzo, Podemos Tomiño estará na Praza do Seixo a partir das 11:30h. para celebrar coa cidadanía o Día Internacional da Muller, que este ano ten por tema: “As mulleres nun mundo laboral en transformación: cara a un planeta 50-50 en 2030”. Para iso repartirán un pequeno detalle feito artesanalmente por persoas do grupo e un texto inspirado na igualdade de mulleres e homes no traballo.

Con este acto Podemos Tomiño pretende "visibilizar no noso pobo o desexo de alcanzar a igualdade verdadeira a través do feminismo. As persoas que forman parte de Podemos Tomiño esperan que a cidadanía se una ao acto e goce festexando con alegría o Día da Muller".