O pasado mércores, 8 de marzo, con motivo da celebración do Día Internacional da Muller Traballadora, o Concello de Mos organizou unha serie de actividades durante toda a semana enfocadas a celebrar dita data. Unha destas actividades foi unha andaina polo paseo do Río Louro, cunha charla e posteriormente uns pinchos.

Para difundir esta actividade o Concello de Mos non usou nin redes sociais, nin prensa, nin carteis. Tan só pasaron un comunicado a asociacións puntuais e enviaron a invitación a algunhas vivendas.

Dende a agrupación socialista critican a mala xestión na organización desta actividade, xa que "a maioría dos veciños non puideron participar por non estar convidados a dita andaina". O Concelleiro Emilio Muíños mostra  o seu "descontento con esta distinción a hora de invitar a veciñanza". Di “todos os veciños teñen o mesmo dereito a ser avisados da mesma maneira e en tempo e forma das actividades do concello”, engade que “para conmemorar tal data, deben participar todas as mulleres que día a día loitan por acadar a igualdade de xénero e os homes tamén, xa que hai que concienciar o sector masculino”.