Apenas dous anos e medio despois da súa inauguración o Centro Dotacional do Medio Rural de Torroso xa se queda pequeno, por iso a actual Xunta Directiva da Comunidade de Monte s de Torroso presidida por Camilo Grandal decidiu ampliar estas instalacións.

O Centro foi inaugurado o pasado 14 de xuño do ano 2014 cun custo de 2,5 millóns de euros, agora contan cun orzamento de 825.000 euros para engadir case 500 metros cadrados adicionais.

A construtora Gómez Crespo S.L., que tamén se encargou da execución do primeiro proxecto, é agora a encargada de executar estas obras de ampliación que sumarán cinco novas salas incluída unha sala de 67 metros cadrados para uso de persoas maiores e tamén un espazo polivalente de 150 metros cadrados máis.

Ademais está prevista a construción de dous novos despachos, un usarase para o arquivo de montes e outro para o centro cultural da parroquia de Torroso.

A gran afluencia de alumnos á Escola de Música Municipal  e o recentemente estreado Conservatorio Profesional motivaron a ampliación do Centro. As obras que se están a executar estará finalizadas cara ao mes de setembro deste ano coincidindo co inicio dun novo curso.