En Tameiga, unha saída de vía sáldase con dúas persoas feridas. Ambas foron evacuadas polos efectivos sanitarios a un centro hospitalario. Segundo se lle indicou ao 112, o seu estado non reviste gravidade.

O accidente tivo lugar nunha vía próxima ao Rebullón. Unha persoa particular contactou co 112 Galicia ás 23:15 horas desta noite para alertar do sinistro.

O persoal do Centro de Atención ás Emerxencias puxo os feitos en coñecemento de Urxencias Médicas e dos Bombeiros do Baixo Miño. Tamén se informou ao Servizo de Emerxencias Municipal e á Garda Civil de Tráfico.