A casa do concello de Ponteareas acolle a exposición fotográfica da Deputación de Pontevedra "De Pontevedra a Río 2016" coa que a institución provincial quere renderlles homenaxe aos e ás deportistas da provincia que participaron na última edición tanto dos Xogos Olímpicos coma dos Xogos Paralímpicos. A mostra foi inaugurada pola deputada provincial de Deportes, Chelo Besada, coa asistencia do alcalde de Ponteareas, Xosé Represas, e varios membros da corporación municipal.

A exposición recolle o palmarés dos e das 16 deportistas olímpicos, olímpicas e paralímpicos e paralímpicas da provincia de Pontevedra, en paneis individuais onde se poden ver as súas traxectorias. Os 16 de "Río 2016" son Fernando Alarza Vicente, Juan Antonio Saavedra Reinaldo, Fernando Echávarri Erasun, María Bernabey Avomo, Támara Echegoyen Domínguez, Sebastián Rodríguez Veloso, Rodrigo Germade Barreiro, Marín de la Puente Riobó, María Teresa Portela Rivas, César Neira Pérez, Óscar Carrera Amandi, Gustavo Nieves Campello, Frank Casañas Hernández, Agustín Alejos Alonso, Jean Marie Okutu Kouletio e Susana Rodríguez Gacio.